Fransada solçu koalisiyanın qələbəsindən sonra Baş nazir istefa verəcəyini açıqlayıb
Paris, 8 iyul, AZƏRTAC
Fransada növbədənkənar parlament seçkilərində makronçuların məğlubiyyətindən sonra Baş nazir Qabriel Attal istefa ərizəsini Respublika prezidentinə təqdim edəcəyini açıqlayıb.
AZƏRTAC xəbər verir ki, “İpsos-Talan” sorğu mərkəzinin ilkin hesablamalarına görə, Milli Assambleyada solçu koalisiya 171-187 deputatla birinci yerdə, prezident düşərgəsi müttəfiqləri ilə birlikdə 152-163 deputatla ikinci, ifrat sağçı Milli Birlik partiyası isə 134-152 deputatla üçüncü yerdə qərarlaşıb.
Solçu koalisiya parlament seçkilərinin ikinci turunda əksəriyyət əldə etdikdən sonra Baş nazir Attal iyulun 8-də istefa ərizəsini prezident E. Makrona təqdim edəcəyini bildirib.
"Ölkəmiz görünməmiş siyasi vəziyyət yaşayır və bir neçə həftədən sonra dünyanı qarşılamağa hazırlaşır", - deyə Q.Attal Paris Olimpiya Oyunlarına toxunaraq, vəzifəsinin tələb etdiyi müddətdə səlahiyyətlərini icra edəcəyini deyib.
Bölmənin digər xəbərləri
