FUTBOL ÜZRƏ AZƏRBAYCAN PREMYER LİQASINDA NÖVBƏTİ TURUN OYUNLARI BAŞA ÇATMIŞDIR
Bakı, 18 oktyabr (AZƏRTAC). Oktyabrın 18-də futbol üzrə “Unibank” Azərbaycan Premyer Liqasında 7-ci turun oyunları başa çatmışdır.
Turun ən məhsuldar görüşü Bakının “İnter” və Salyanın “Muğan” komandaları arasında olmuşdur. “İnter”in bu görüşdə vurduğu 6 topa, Muğan cəmi 1 qolla cavab vermişdir.
“Qarabağ” isə Ağdamın Quzanlı qəsəbə stadionunda “Neftçi”yə 1:0 hesabı ilə qalib gəlmişdir.
Bir gün əvvəl keçirilmiş görüşlərdə aşağıdakı nəticələr qeydə alınmışdır: “Standard” - “Xəzər-Lənkəran” - 1:2, “Turan” - “Bakı” - 0:1, “Qəbələ” - “Olimpik-Şüvəlan” - 2:1, “Simurq” - “Karvan” - 2:0.
Bu turdan sonra hərəyə 13 xal toplamış “İnter”, “Simurq” və “Qarabağ” komandaları turnir cədvəlində, müvafiq olaraq, ilk üç pilləni tuturlar.
Bölmənin digər xəbərləri
