Füzulidə ədliyyə işçilərinin peşə bayramı qeyd olunmuşdur
Füzuli, 23 noyabr (AZƏRTAC). Horadiz şəhərindəki mədəniyyət evində 22 noyabr - ədliyyə işçilərinin peşə bayramına həsr olunmuş tədbir keçirilmişdir.
AZƏRTAC xəbər verir ki, ədliyyə işçiləri və rayon ictimaiyyətinin nümayəndələri əvvəlcə ümummilli lider Heydər Əliyevin abidəsi önünə gül dəstələri qoymuş, xatirəsini ehtiramla yad etmişlər.
Tədbirdə çıxış edənlər peşə bayramı münasibətilə ədliyyə və məhkəmə orqanları işçilərinə təbriklərini çatdırmışlar. Çıxış edənlər Azərbaycanın ədliyyə və məhkəmə sisteminin tarixindən, ölkədə həyata keçirilən uğurlu məhkəmə-hüquq islahatlarından danışmışlar.
Ədliyyə sahəsinə göstərilən yüksək diqqət və qayğıya görə dövlətimizin başçısına dərin minnətdarlıq ifadə olunmuşdur. Bildirilmişdir ki, ümummilli lider Heydər Əliyevin 2000-ci il 11 noyabr tarixli Sərəncamına əsasən hər il noyabrın 22-si ölkəmizdə ədliyyə işçilərinin peşə bayramı günü kimi qeyd olunur. Həyata keçirilən demokratik, o cümlədən məhkəmə-hüquq islahatları nəticəsində Azərbaycan ədliyyəsi keyfiyyətcə yeni səviyyəyə yüksəlmiş, müstəqil məhkəmə hakimiyyəti bərqərar olunmuşdur.
Bölmənin digər xəbərləri
