GƏNC PİANOÇUNUN SOLO KONSERTİ
Mayın 31-də Yunanıstan Respublikasının ölkəmizdəki səfirliyinin təşəbbüsü ilə Bakı Musiqi Akademiyasında gənc pianoçu Kamilla Məmmədovanın solo konserti olmuşdur.
Konsertdə Yunanıstanın Azərbaycandakı səfiri Merkurios Karafotias çıxış edərək ölkələrimiz arasında mədəni-elmi əlaqələrin inkişaf etdirilməsi üçün görülən işlərdən danışdı.
Sonra pianoçu Kamilla Məmmədovanın ifasında S.Bax-F.Buzoninin “Çakonna”, Q.Qarayevin “Prelüdiyalar”, Yanis A. Papayaninin “Ağ qızılgüllərin valsı”, “Amazon”, “Nöktürn”, C.Diamantisin və M.Kalomorisin “Fortepiano üçün pyeslər” və F.Şopenin “1 nömrəli Ballada” əsərləri səsləndi.
Müvəffəqiyyətlə keçən solo konsert xarici dövlətlərin Bakıda fəaliyyət göstərən səfirliklərinin nümayəndələri tərəfindən də maraqla qarşılandı.
Bölmənin digər xəbərləri
