GƏNC RƏSSAMLARIN MÜSABİQƏSİNƏ YEKUN VURULMUŞDUR
Respublika Gənclər, İdman vəTurizm Nazirliyi ilə Azərbaycan Rəssamlar İttifaqı aprelin 30-da Bakı Miniatür Mərkəzində gənc rəssamların respublika müsabiqəsinin yekun dövrəsini keçirmişlər.
120 gəncin iştirakı ilə keçirilən bu turda mütəxəssislərin və tamaşaçıların ixtiyarına rəngkarlıq, qrafika, heykəltəraşlıq və bədii dekorativ tətbiqi sənət janrında 120 əsər təqdim olunmuşdur.
Münsiflər heyətinin qərarına əsasən, heykəltəraşlıq üzrə Hacıbəbir Quliyev, grafika janrında Şahid Hüseynov, bədii dekorativ tətbiqi sənət üzrə Afaq Kamilova və rəngkarlıqda Etibar Qəhrəmanov müsabiqənin qalibi elan olunmuşlar.
Gənclər, idman və turizm nazirinin müavini İntiqam Babayev, Rəssamlar İttifaqı İdarə heyətinin sədri Fərhad Xəlilov gənclərimizdə təsviri sənətə meylin gücləndirilməsində, onlarda estetik tərbiyənin inkişafında belə tədbirlərin əhəmiyyətini xüsusi vurğulamış, qalibləri təbrik etmiş, onlara və müsabiqənin bütün iştirakçılarına yeni yaradıcılıq uğurları arzulamişlar.
Qaliblərə diplomlar və qiymətli hədiyyələr təqdim olunmuşdur.
Bölmənin digər xəbərləri
