GƏNCƏDƏ GƏNC SAHİBKARLAR ÜÇÜN TƏLİM KURSLARI KEÇİRİLMİŞDİR
Gəncə, 15 oktyabr (AZƏRTAC). Respublika Gənclər və İdman Nazirliyi “Gələcəyə körpü” ictimai birliyi ilə birgə gənc sahibkarlığın inkişafı və gənclər arasında işsizliyin aradan qaldırılması istiqamətində həyata keçirilən tədbirlər proqramına uyğun olaraq Gəncədə təlim kursları keçirmişdir.
Kurslarda “Öz biznesini yarat”, “Öz biznesinə başla” və “Öz biznesini inkişaf etdir” mövzularında məruzələr dinlənilmiş, müzakirələr aparılmışdır. Müzakirələrdə dinləyicilərə gələcəkdə quracaqları biznesin daha səmərəli formalaşdırılması və inkişaf etdirilməsi üçün məsləhətlər verilmiş, onları maraqlandıran məsələlərlə bağlı fikir mübadiləsi aparılmışdır.
Bölmənin digər xəbərləri
