Gəncədə Xocalı şəhidlərinin xatirəsinə həsr olunmuş idman yarışları başlamışdır
Gəncə, 25 fevral (AZƏRTAC). Gəncədə Xocalı soyqırımı qurbanlarının xatirəsinə həsr olunmuş “Şəhidlərin məğrur ruhu unudulmazdır” devizi altında idman yarışları başlamışdır.
Şəhər gənclər və idman baş idarəsi ilə “Təhsil” Respublika İdman Mərkəzinin birgə təşkil etdikləri yarışlarda 8 komanda fevralın 28-dək mübarizə aparacaqdır.
İdmanın futbol, yüngül atletika və taekvondo növləri üzrə keçirilən yarışların açılış mərasimində Azərbaycanın dövlət himni səsləndirildikdən sonra 21 il əvvəl erməni silahlılarının Xocalıda dinc əhaliyə qarşı törətdikləri soyqırımı və etnik təmizləmə siyasətindən danışılmışdır. İdmançı gənclər həmin aksiya qurbanlarının qanlarının yerdə qalmayacağına və tezliklə erməni cəlladlarının öz layiqli cəzalarına çatacaqlarına söz vermişlər.
Sonra faciə qurbanlarının xatirəsinə həsr olunmuş idman yarışları başlamışdır.
Bölmənin digər xəbərləri
