GƏNCƏNİN MƏRKƏZİ MEYDANINDA BAYRAM ŞƏNLİYİ KEÇİRİLMİŞDİR
AZƏRTAC-ın müxbiri xəbər verir ki, Gəncənin mərkəzi meydanında Novruz bayramı münasibətilə təşkil olunmuş şənliyə on minlərlə şəhər sakini toplaşmışdı. Meydanı bürümüş musiqi sədaları, idmançıların nümunəvi çıxışları, şəhər rəssamlıq məktəbi şagirdlərinin rəsmlərindən ibarət sərgi şənlik iştirakçılarında xoş ovqat yaratmışdı. Bahar qızın və Keçəlin şən, duzlu-məzəli oyunları balaca iştirakçıları daha çox sevindirmişdir. Meydanın ortasında yandırılan tonqalın ətrafına toplaşıb əl-ələ verən uşaqların sevinci isə hədsiz idi.
