GƏNCLƏR HƏRBİ XİDMƏTƏ RUH YÜKSƏKLİYİ İLƏ YOLLANIRLAR
AZƏRTAC xəbər verir ki, Ağcabədi rayonunda gənclərin hərbi xidmətə yola salınması ruh yüksəkliyi ilə həyata keçirilir.
Növbəti yolasalma mərasimində rayon hərbi komissarlığının binasında ümummilli liderimiz Heydər Əlliyevə, Ağcabədi şəhidlərinə, Prezident İlham Əliyevin cəbhə bölgəsində əsgərlərlə görüşünə həsr olunmuş guşələrin açılışı olmuşdur.
Mərasimdə rayonun hərbi komissarı Elçin Əsədov və rayon icra hakimiyyəti başçısının müavini Əbülfət Tapdıqov gəncləri hərbi xıdmətə yola düşmələri münasibətilə təbrik etmiş, onlara Vətənin keşiyində ayıq-sayıq dayanmağı tövsiyə etmişlər. Rayon mədəniyyət və turizm şöbəsinin hazırladığı konsert proqramı mərasim iştirakçılarında xoş ovqat yaratmışdır.
Gənclərin hərbi xidmətə yola salınmasına həsr olunmuş mərasim ulu öndər Heydər Əliyevin adını daşıyan meydanda davam etdirilmişdir. Rayon icra hakimiyyətinin başçısı Şahin Məmmədov çağırışçılara tövsiyələr vermiş və müvəffəqiyyətlər arzulamışdır.
Gənc çağırışçılar ümummilli lider Heydər Əliyevin abidəsi önünə gül-çiçək dəstələri düzmüş və ruh yüksəkliyi ilə hərbi hissələrə yola düşmüşlər.
