GƏNCLƏR ÜÇÜN TƏHSİL MƏRKƏZİNDƏ SEMİNAR KEÇİRİLMİŞDİR
Bakı, 10 oktyabr (AZƏRTAC). Oktyabrın 10-da Gənclər üçün Təhsil Mərkəzində tələbə gənclərin iştirakı ilə seminar keçirilmişdir.
Gənclərin xaricdə təhsil alması imkanlarının artırılmasına həsr olunmuş seminarı mərkəzin təsisçisi Vüsal Quliyev açmışdır. Qeyd olunmuşdur ki, seminarın məqsədi tələbə gənclərin xaricdə təhsil ala bilməsi üçün lazımi imkanların əldə edilməsi yollarını araşdırmaqdır.
Xarici İşlər Nazirliyinin Chevining proqramının təqaüdçüsü Şahin Bayramov iştirakçılara ən yaxşı xarici universitetlər, onlara müraciət forması, həmin universitetlərə qəbul qaydaları və müxtəlif təhsil proqramları haqqında ətraflı məlumat vermişdir.
Sonda seminar iştirakçılarına zəruri materiallar paylanmış, onların sualları cavablandırılmışdır.
Seminarların davamlı olacağı, yaxın vaxtlarda mərkəzdə xaricdə təhsillə bağlı məsləhət xidmətinin yaradılacağı bildirilmişdir.
Bölmənin digər xəbərləri
