GƏNCLƏR VƏ İDMAN NAZİRİ MOLDOVA GƏNCLƏRİNİN BİRİNCİ MİLLİ FORUMUNDA İŞTİRAK EDƏCƏK
Gənclər və idman naziri Azad Rəhimov Moldovanın maarif, gənclər və idman nazirinin dəvəti ilə noyabrın 8-də Kişinyovda bu ölkə gənclərinin birinci milli forumunda fəxri qonaq qismində iştirak edəcəkdir.
Nazirliyin mətbuat xidmətindən AZƏRTAC-ın müxbirinə bildirmişlər ki, səfər çərçivəsində GUAM ölkələrinin noyabrın axırında Bakıda keçiriləcək Gənclər forumunda Moldova nümayəndə heyətinin iştirakı məsələsi müzakirə olunacaqdır.
