GƏNCLƏRİN HƏRBİ XİDMƏTƏ HƏVƏSLƏNDİRİLMƏSİ MƏQSƏDİ İLƏ SİLSİLƏ TƏDBİRLƏR KEÇİRİLƏCƏKDİR
Gənclər və İdman Nazirliyindən AZƏRTAC-a bildirmişlər ki, gənclərin hərbi xidmətə həvəsləndirilməsi məqsədi ilə respublikanın şəhər və rayonlarında mədəni-kütləvi tədbirlər keçiriləcəkdir. Belə ki, aprelin 14 -də Şamaxıda, 16-da Masallıda, 18-də Qusarda, 22-də Bərdədə çağırışyaşlı gənclər arasında təbliğat xarakterli görüşlər və konsert proqramları təşkil olunacaqdır.
“Azərbaycan Gəncliyi Dövlət Proqramı (2005-2009-cu illər)” əsasında keçiriləcək tədbirlərə nazirliyin əməkdaşları ilə yanaşı, yerli hakimiyyət orqanlarının, hərbi komissarlıqların, rayon təhsil şöbələrinin və QHT-lərin nümayəndələri də dəvət olunmuşlar.
Bölmənin digər xəbərləri
