“GENERAL ŞIXLİNSKİ” TANKERİNDƏ HEYƏT ÜZVLƏRİNİN AXTARIŞI DAVAM EDİR
Azərbaycan Dövlət Xəzər Dəniz Gəmiçiliyinin mətbuat və informasiya xidmətindən AZƏRTAC-a bildirmişlər ki, iyulun 11-də “General Şıxlinski” tankerində dalğıclar heyətin itkin düşmüş 6 üzvünün - kapitan Bəhlul Məhərrəmovun, böyük mexanik Tapdıq Güliyevin, ikinci mexanik Abdulla Əhmədovun, üçüncü mexanik Asif Qaraşovun, motorçu Əkrəm Həsənovun və tornaçı-motorçu Azər Rzayevin axtarışını davam etdirmişlər.
Eyni zamanda, tankerin maşın bölməsində partlayış zamanı zədələnmiş illüminator, lyuk, xaricdən suyun gəmiyə daxil ola biləcəyi yerlər kip bağlanılır. Bu işlərin görülməsi üçün zəruri olan bütün materiallar Bakıdan göndərilmişdir.
Komissiya təhqiqat işlərini davam etdirir.
Bölmənin digər xəbərləri
