“GENERAL ŞIXLİNSKİ” TANKERİNDƏ İŞLƏR DAVAM ETDİRİLİR
Azərbaycan Dövlət Xəzər Dəniz Gəmiçiliyinin mətbuat xidmətindən AZƏRTAC-a verilən məlumatda bildirilir ki, tankerin kayutalarına və maşın şöbələrinə dolmuş suyun bir hissəsi iyulun 14-də günortayadək xaric edilmişdir.
İyulun 15-də gəminin yük anbarlarındakı 1300 ton neft məhsulları boşaldılmış, tankerin quma oturmuş arxa hissəsi qaldırılmışdır. Beləliklə, gəminin hərəkət qabiliyyəti bərpa olunmuşdur. Təəssüf ki, havanın həddən artıq isti keçməsi, habelə maşın bölməsində qazın normadan artıq olması işlərin daha sürətlə görülməsinə mane olur.
Bölmənin digər xəbərləri
