“GENERAL ŞIXLİNSKİ” TANKERİNDƏ QƏZA BAŞ VERMİŞDİR
İyulun 8-də gecə saat 4 radələrində Türkmənbaşı limanında Azərbaycan Dövlət Xəzər Dəniz Gəmiçiliyinin “General Şıxlinski” tankerində qəza baş vermişdir. Gəmiçiliyin mətbuat və informasiya xidmətinin verdiyi məlumata görə Türkmənbaşı limanında yüklənmə üçün körpüdə dayanan tankerin maşın bölməsində hələlik məlum olmayan səbəblərdən partlayış baş vermiş, sonra yanğın başlamışdır.
Qəzanın səbəblərini yerində araşdırmaq məqsədi ilə Gəmiçilik rəisinin müavini Rəfael Rəhmanovun sədrliyi ilə Türkmənbaşı limanına xüsusi aviareyslə komissiya göndərilmişdir.
Görülmüş tədbirlər sayəsində saat 18 radələrində tankerdə yanğın söndürülmüşdür. Gəminin heyət üzvlərindən 6 nəfər itkin düşmüşdür. Qəzanın nəticələrini aradan qaldırmaq və itkin düşənləri axtarmaq məqsədi ilə tədbirlər davam etdirilir. Araşdırmaların sonrakı nəticələri barədə kütləvi informasiya vasitələrində əlavə məlumat veriləcəkdir.
Bölmənin digər xəbərləri
