Geoloq alim beynəlxalq jurnalın rəyçi sertifikatına layiq görülüb
Bakı, 14 noyabr, AZƏRTAC
Elm və Təhsil Nazirliyinin Geologiya və Geofizika İnstitutunun Seysmologiya və seysmik təhlükənin qiymətləndirilməsi şöbəsinin rəhbəri Yer elmləri üzrə elmlər doktoru, dosent Qulam Babayev cari ildə “Geosciences” (“Yer elmləri”) jurnalının redaksiya heyəti tərəfindən beynəlxalq rəyçi sertifikatına layiq görülüb.
Bu barədə AZƏRTAC-a institutdan məlumat verilib. Bildirilib ki, “Geosciences” jurnalı “Web of Science” bazasına daxildir. Nəşrdə multidisiplinar sahələrdə (geologiya, geofizika, hidrogeologiya, yerin fizikası) aparılan fundamental nəzəri və tətbiqi elmi tədqiqatlarla bağlı nüfuzlu məqalələr dərc olunur.
Jurnalın impakt faktoru 2.86, h-indeksi 43-dür. Elmi nəzəriyyələr əsasında dünya akademik tədqiqatlarında əsas göstəricilərdən biri olan dörd kateqoriyalı kvartil şkalasında (Q), jurnal Q1 sinfinə daxildir.
Qulam Babayev, həmçinin jurnalın ekspertlər siyahısına daxil edilib.
Bölmənin digər xəbərləri
