GERHARD ŞRÖDER: ANKARANIN AVROPA BİRLİYİ İLƏ DANIŞIQLARA BAŞLAMASI BÜTÜN TÜRK XALQININ QƏLƏBƏSİDİR
AZƏRTAC xəbər verir ki, Almaniyanın Kansleri Gerhard Şröder Türkiyəyə oktyabrın 13-də başa çatan səfərinə yekun vuraraq bildirmişdir ki, Avropa Birliyinə daxil olmaq haqqında bu təşkilatla Ankara arasında danışıqların başlanması bütün türk xalqının qələbəsidir. Danışıqlardan məqsəd Türkiyənin Avropa Birliyinin ancaq tamhüquqlu üzvü olmasıdır. Bu, Türkiyəyə verilmiş tarixi imkandır.
Şröder demişdir ki, Almaniya Türkiyənin Avropa Birliyinə qoşulmaq üçün apardığı islahatları dəstəkləməkdə davam edəcək və Avropa cəmiyyətinə inteqrasiya yolunda Ankaraya dəstək verməyə hazırdır. Şröderin sözlərinə görə, “AB yeni ölkələr qəbul etməklə özü də təzələnir. Üstəlik, buna böyük ehtiyac var”.
Bölmənin digər xəbərləri
