“Goldman Sachs”: Hazırda anbarlardakı neft və neft məhsulları 1 milyard barreldir
Bakı, 10 iyun, AZƏRTAC
Fiziki neft bazarındakı depolama qabiliyyətində hələ də problemlər var. Hazırda qlobal miqyasda anbarlarda saxlanılan neft və neft məhsullarının həcmi 1 milyard barrel səviyyəsindədir.
AZƏRTAC xəbər verir ki, bu proqnozla ABŞ-ın qabaqcıl investisiya banklarından olan “Goldman Sachs” çıxış edib.
Banka görə, OPEC-in qərarından sonra neftin qiyməti həddən artıq bahalaşıb. Qarşıdakı həftələrdə isə qiymətin ucuzlaşması gözlənilir. Dünya miqyasında neft ehtiyatlarının əvvəlki hesablamalardan daha yavaş azalacağı proqnozlaşdırılır. 2021-ci ilin dekabrında ehtiyatlar keçən ilə nisbətən yenə də yüksək olacaq.
“Goldman Sachs” mayın 1-i və 13-də yayımladığı proqnozlarda, ehtiyatların 2021-ci ilin mart və iyun aylarında 2019-cu ilin dekabrındakı səviyyəyə enəcəyini proqnozlaşdırırdı.
Bölmənin digər xəbərləri
