GÖYÇAY OLİMPİYA İDMAN KOMPLEKSİNİN İNŞASI BAŞA ÇATDIRILMIŞDIR
Göyçay, 24 dekabr (AZƏRTAC). Gənclər və İdman Nazirliyinin sifarişi ilə Göyçay şəhərində inşa edilən Olimpiya İdman Kompleksi istifadəyə tam hazırdır. Şamaxı-Yevlax avtomobil yolunun kənarında tikilən və baş plana əsasən 6,5 hektar ərazini əhatə edən kompleksdə üzgüçülük hovuzu, futbol, voleybol, basketbol, uzunluğa tullanma meydançaları, tennis kortu, ikimərtəbəli 70 yerlik mehmanxana binası, hər biri 6 otaqdan ibarət 2 kottec, yeməkxana vardır.
Həmçinin, idman bazasında 8 həkim, 12 məşqçi otağı və bir konfrans zalı mövcuddur.
Müasir üslubda inşa edilən Olimpiya İdman Kompleksinin 4 hektarlıq həyətində həmişəyaşıl ağaclar və gül kolları əkilmiş, ot örtüyü salınmışdır. İdman bazası yaxın günlərdə istifadəyə veriləcəkdir.
Bölmənin digər xəbərləri
