Göyçay rayonunda 2 min tondan çox kartof istehsal olunub
Göyçay, 6 avqust, AZƏRTAC
Göyçay rayonunda kartof yığımı başa çatıb, sahələrdən 2000 tondan çox kartof yığılıb.
Rayon icra hakimiyyətindən AZƏRTAC-ın bölgə müxbirinə verilən məlumatda bildirilir ki, Göyçayda cari ilin məhsulu üçün 151 hektarda kartof yetişdirilmişdi. Yerli bazarlarda ilboyu böyük tələbat olan bu məhsulun yetişdirilməsində torpaq mülkiyyətçiləri çox maraqlıdırlar. Bu il kartof daha çox Şəhadət, Mallı, Şıxlı, Ləkçılpaq və Qarabaqqal ərazi icra nümayəndəliklərində əkilmişdi. Bu ərazilərdə sahibkarlar hər hektardan 130,4 sentnerdən çox kartof istehsal ediblər. Yığılan məhsulun bir qismi yerli bazarlara çıxarılır.
Bölmənin digər xəbərləri
