GÖYÇAYDA ƏT SATIŞINDA SƏLİQƏ-SAHMAN YARADILMIŞDIR
Sanitariya-gigiyena qaydalarına əməl olunması üçün yol kənarında, su arxlarının üzərində ət satışı qadağan olunmuş, şəhər sallaqxanası təmir edilərək qəssabların ixtiyarına verilmişdir. Ət satışı baytar həkimlərinın nəzarəti altında aparılır.
Rayonda aparılan aqrar islahatlar nəticəsində qaramalın sayı xeyli artmışdır. Nəticədə son günlər əhaliyə satılan mal ətinin qiyməti də 10-15 faiz aşağı düşmüşdür. Rayonda quş qripi təhlükəsi olmasa da, əhali arasında bu sahədə geniş maarifləndirmə işi aparılmış, vətəndaşlara ev və köçəri quşlarla rəftar qaydaları öyrədilmişdir.
Göyçay Rayon Baytarlıq İdarəsi bu günədək 350 mindən artıq ev quşunu peyvəndləmişdir. Quş qripi və digər yoluxucu xəstəliklərdən qorunmaq məqsədi ilə idarəyə xüsusi geyimlər, dezinfeksiya maddələri və maşın gətirilmişdir. Qaramalın dabaq, çiçək, brüselyoz, sarılıq və digər yoluxucu xəstəliklərdən qorunması üçün profilaktik peyvəndləmə işləri aparılmışdır.
Bölmənin digər xəbərləri
