Göyçayda ötən il 1330 yeni iş yeri açılıb
Göyçay, 29 yanvar, AZƏRTAC
Regionların sosial-iqtisadi inkişafına göstərilən diqqət və qayğı, iqtisadiyyatın şaxələndirilməsi, sahibkarlar üçün yaradılan əlverişli şərait respublikamızın bütün bölgələrində olduğu kimi, Göyçay rayonunda da yeni iş yerlərinin açılmasına, əhalinin məşğulluğunun artmasına imkan verir. Təkcə yola saldığımız 2019-cu ildə rayonda 1330 yeni iş yeri açılıb.
Rayon statistika idarəsindən AZƏRTAC-ın bölgə müxbirinə bildirilib ki, yeni açılan iş yerlərinin 827-si daimidir. Daimi iş yerlərinin 53-ü yeni yaradılan idarə və müəssisələrdə, 31-i mövcud müəssisə və təşkilatlardadır. Daha 503 iş yeri isə müxtəlif layihələr, mövsümi, abadlıq işləri və digər sahələrdə olub.
Bölmənin digər xəbərləri
