Göyçayda sənaye məhsullarının istehsalı 32,3 faiz artıb
Göyçay, 27 yanvar, AZƏRTAC
Göyçay rayonunda yola saldığımız 2019-cu ildə sənaye məhsullarının istehsalı və xidmətlər əvvəlki illə müqayisədə önəmli dərəcədə artıb.
Rayon statistika idarəsindən AZƏRTAC-ın bölgə müxbirinə bildirilib ki, ötən il 33 milyon 176 min manatlıq sənaye məhsulları istehsal edilib və xidmətlər göstərilib. Bu göstərici 2018-ci illə müqayisədə 8 milyon 100 min manat və ya 32,3 faiz çoxdur. Hazırda rayonda 22 sənaye müəssisəsi fəaliyyət göstərir. Onlardan “AzNar” QSC, “Şərab ASC”, “ATF” MMC və bir sıra digər müəssisələr öz fəaliyyətlərini ildən-ilə genişləndirir və ötən il məhsul istehsalında fərqləniblər.
Qeyd edək ki, bölgələrin sosial-iqtisadi inkişafına göstərilən dövlət dəstəyi, sahibkarlar üçün yaradılan əlverişli şərait respublikamızın digər aqrar rayonları kimi, Göyçayda da iqtisadiyyatın şaxələndirilməsinə, o cümlədən sənayenin inkişafına güclü təkan verir.
Bölmənin digər xəbərləri
