Gündüz İsmayılov: Beynəlxalq hüquq antisemitizmin, islamofobiyanın qarşısını almaqda acizdir
Bakı, 29 yanvar, AZƏRTAC
Biz bəşəriyyət olaraq Holokostdan dərs almamışıq. Bu, mənəviyyatın və dinşünasların problemidir. Əgər bəşəriyyət Holokostdan nəticə çıxarsaydı, Yuqoslaviyada Srebrenitsa qətliamı, Azərbaycanda Xocalı soyqırımı baş verməzdi. Beynəlxalq hüquq antisemitizmin, islamofobiyanın qarşısını almaqda acizdir.
AZƏRTAC xəbər verir ki, bu fikirləri Dini Qurumlarla İş üzrə Dövlət Komitəsinin sədr müavini Gündüz İsmayılov “Holokost soyqırımı müasirlərin gözü ilə” mövzusunda yanvarın 29-da keçirilən tədbirdə səsləndirib.
G.İsmayılov etnik təmizləmələri, soyqırımı kimi hadisələrin baş verməsini ədalətsizliyin, ikili standartların nəticəsi kimi qiymətləndirib.
“Azərbaycan xalqı da ikili standartlardan əziyyət çəkir. XXI əsrdə yaşamağımıza baxmayaraq, Xocalı faciəsinin törədilməsi ancaq təəssüf hissi doğurur.
Qətliamlara, etnik təmizləmələrə o vaxt son qoyulacaq ki, ədalət bərpa olunacaq, haqq-ədalət insanlara münasibətdə başlıca amil olacaq”, - deyə dövlət komitəsinin rəsmisi vurğulayıb.
Bölmənin digər xəbərləri
