GÜRCÜ ALİMİNİN TƏDQİQATLARI TƏBABƏTDƏ YENİ İSTİQAMƏT AÇMIŞDIR
Zurab Kakabadze dünya təbabətində yeni istiqamət açmış, xəstələrin öz orqanizmində hüceyrələrin hissəciklərindən morfoloji və funksional baxımdan mükəmməl orqanlar yaratmışdır. Həmin texnologiya dünyanın qabaqcıl tibb mərkəzlərində sınaqdan uğurla keçmişdir. Beynəlxalq ekspertlər bu istiqamətin perspektivliyini yekdilliklə təsdiq etmişlər.
Layihənin müəllifi demişdir: “Hüceyrəli transplantat xəstələnmiş qaraciyərin funksiyasını tam yerinə yetirir ki, bu da bir çox xəstəliklərin qarşısının alınması üçün yaxşı vasitədir. Onun üstünlüyü bir də ondan ibarətdir ki, əgər donorun qaraciyərinin qiyməti 500 min ABŞ dollarıdırsa, bizim kəşfin dəyəri 4 min dollardan artıq deyildir. Bu sahədə ilk təcrübə çoşqalar və siçovullar üzərində keçirilmişdir. İkinci mərhələnin ali məməlilər, sonra isə insanlar üzərində keçirilməsi planlaşdırılır”.
