Gürcü müğənni: Ermənilərin işğal etdikləri ərazilərdə törətdikləri cinayətlər əsl vandalizm və soyqırımıdır
Tbilisi, 29 aprel, AZƏRTAC
Azərbaycanın erməni işğalından azad edilmiş ərazilərində gördüklərimizi dillə ifadə etmək çətindir. Biz rayonları gəzdik, şəhərlər, kəndlər dağıdılıb, mülki şəxslər öldürülüb, mədəni, tarixi abidlər məhv edilib. Bütün bunları ürək ağrısı keçirmədən izləmək mümkün deyil.
Bu sözləri AZƏRTAC-a müsahibəsində Azərbaycan səfirliyinin təşkilatçılığı ilə erməni işğalından azad edilmiş ərazilərimizə səfər etmiş gürcü müğənni Veriko Turaşvili söyləyib.
Onun sözlərinə görə, ermənilərin işğal etdikləri ərazilərdə 30 il ərzində heç bir iş görməməsi, tikmək, qurmaq əvəzinə, əksinə olanları da dağıtması insanlığa sığmayan hərəkətlərdir. Bu dəhşətdir, vandalizmdir, əsl soyqırımıdır.
“Düşünürəm ki, Azərbaycan öz torpaqlarını işğaldan azad etməkdə çox düzgün addım atdı. İndi həmin ərazilərdə tikinti-quruculuq, abadlıq işləri həyata keçirilir. Azərbaycan müharibədən sonra qısa bir zamanda çox böyük işlər görüb. Bu isə onu göstərir ki, Azərbaycan xalqı sülhsevər, qurub yaratmağı, abad və azad yaşamağı sevən bir xalqdır”, - deyə V.Turaşvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
