Gürcüstan KİV-ləri bu ölkə ilə Azərbaycan arasındakı münasibətlərdən yazır
Tbilisi, 14 oktyabr, AZƏRTAC
Gürcüstanın aparıcı kütləvi informasiya vasitələrində bir neçə gündür ki, Azərbaycan - Gürcüstan münasibətləri, Baş nazir İrakli Qaribaşvilinin Bakıya səfəri ilə bağlı silsilə məqalələr yayılır.
Interpressnews.ge, apsny.ge, sputnik-georgia.ru, newsgeorgia.ge informasiya portalları, “Gürcüstan” qəzeti, “Rustavi-2” televiziya kanalı və digər kütləvi informasiya vasitələri İrakli Qaribaşvilinin Bakıya səfəri, ölkələrimiz arasında münasibətlərə geniş yer verib.
Məqalələrdə Azərbaycanın Gürcüstanın strateji tərəfdaşı olduğu bildirilir, rəsmi Tbilisinin Bakı ilə münasibətlərin inkişafına xüsusi diqqət yetirməsi, dövlət və hökumət başçıları arasındakı dostluq münasibətləri, Azərbaycan investorlarının bu ölkəyə sərmayələr yatırması barədə məlumatlar əksini tapır.
KİV-lər bu məsələlərlə əlaqədar Baş nazir İraqkli Qaribaşvilinin, energetika naziri Kaxa Kaladzenin və digər rəsmilərin fikirlərini geniş işıqlandırıblar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
