GÜRCÜSTAN NATO-YA DAXİL OLMAQ ÜÇÜN HAZIRLIQ İŞİNƏ BAŞLAYIR
Gürcüstan XİN-in Tbilisidə yayılmış məlumatına görə, Milli Təhlükəsizlik Şurası ölkə rəhbərliyinin belə bir mövqeyini təsdiqləmişdir ki, “Gürcüstan özünün təhlükəsizliyini NATO ilə sıx bağlayır”.
Sənəddə deyilir ki, Təhlükəsizlik Şurası Gürcüstanın Şimali Atlantika İttifaqının üzvü olmasına yekdilliklə tərəfdar çıxmışdır. Bu məqsədə çatmaq üçün hazırlıq işinə başlamaq məqsədəuyğun sayılmışdır.
İTAR-TASS-ın yaydığı xəbərə görə, xüsusi hökumət komissiyasına tapşırılmışdır ki, “Avratlantika inteqrasiyasına dair siyasi, iqtisadi, müdafiə və hərbi, hüquqi və başqa sahələri əhatə edəcək dövlət proqramını 2002-çi il noyabrın 1-dək işləyib hazırlasın və Təhlükəsizlik Şurasının müzakirəsinə versin”. Sənəddə vurğulanır ki, “bu proqramın həyata keçirilməsi Gürcüstanın NATO-ya üzvlüyü məsələsinə dair dialoqa başlamaq üçün lazımi şərait yaranmasına təkan verəcəkdir”.
Bölmənin digər xəbərləri
