Gürcüstanda 12 yaşdan yuxarı uşaqların peyvənd olunmasına icazə verilib
Tbilisi, 11 oktyabr, AZƏRTAC
Oktyabrın 11-dən Gürcüstanda yaşı 12-dən yuxarı olan uşaqların koronavirusa qarşı peyvəndinə icazə verilib.
AZƏRTAC xəbər verir ki, bu barədə jurnalistlərə Gürcüstanın səhiyyə nazirinin müavini Tamar Qabuniya məlumat verib.
Onun sözlərinə görə, hələlik xüsusi risk qrupuna daxil olan uşaqlar peyvənd olunacaq. Onlara “Pfizer” vaksini vurulacaq.
Qeyd edək ki, son sutka ərzində Gürcüstanda 1530 nəfər koronavirusa yoluxub, 23 pasiyent pandemiyanın qurbanı olub.
Bu günədək ölkədə 1 874 845 nəfər vaksin vurdurub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
