GÜRCÜSTANDA HƏRBİ XİDMƏTƏ YAZ ÇAĞIRIŞI PLANI ARTIQLAMASI İLƏ YERİNƏ YETİRİLMİŞDİR
AZƏRTAC-ın xüsusi müxbiri xəbər verir ki, Gürcüstanda hərbi xidmətə yaz çağırışının başa çatmasına bir həftə qalsa da plan artıqlaması ilə yerinə yetirilmiş və 6.130 nəfər əvəzinə 6.285 çağırışcı hərbi xidmətə göndərilmişdir. 4800 nəfərin hərəsi qanunda nəzərdə tutulmuş 200 larini ödəyərək möhlət almış, 34 nəfər isə 2000 lari ödəyərək ümummiyyətlə hərbi xidmətdən azad olmuşdur. Bununla da dövlət büdcəsinə bir milyon laridən çox pul keçirilmişdir.
Xatırladaq ki, 2003-2004-cü ilin yaz çağırışı planı 7.430 nəfəri təşkil edirdi. Gürcüstan Silahlı Qüvvələrinin tərkibində aparılan islahatlarla əlaqədar olaraq builki çağırış planı 1300 nəfər azaldılmışdır.
