GÜRCÜSTANIN ƏDLİYYƏ NAZİRİ SAQARECO RAYONUNDA YAŞAYAN AZƏRBAYCANLILARLA GÖRÜŞMÜŞDÜR
AZƏRTAC-ın xüsusi müxbiri xəbər verir ki, Gürcüstanın ədliyyə naziri Georgi Kavtaradze Kaxeti bölgəsinin Saqareco rayonundakı Qaraçöp mahalında məskunlaşan azərbaycanlılarla görüşmüş, onlara şəxsiyyət vəsiqələri və pasport verilməsi məsələsi ilə maraqlanmışdır. Aydın olmuşdur ki, bu mahalda 23 min azərbaycanlı yaşayır və onlardan təqribən 2 min nəfərin şəxsiyyət vəsiqəsi, yaxud pasportu yoxdur. Bəzilərinin doğum şəhadətnaməsinin belə olmaması bu işi bir az da çətinləşdirir. Nazir həmin adamların sənədlərinin qaydaya salınması ilə bağlı lazımi tədbir görülməsi üçün yerli orqanlara müvafiq göstərişlər vermiş, gələcəkdə bu cür laqeydliyə son qoyulmasını arzulamışdır. Qaraçöplülər qayğı və diqqətə görə nazir G.Kavtaradzeyə minnətdarlıq etmişlər. Görüşdə Kaxeti bölgəsinin qubernatoru Petre Siskarişvili, Siqareco rayon rəhbərliyi, digər rəsmi şəxslər iştirak etmişlər.
Bölmənin digər xəbərləri
