GÜRCÜSTANIN ERMƏNİSTANDAKI SƏFİRİ DAĞLIQ QARABAĞDA KEÇİRİLMİŞ “REFERENDUM”LA BAĞLI BƏYANAT VERMİŞDİR
Səfir demişdir ki, Gürcüstanın Ermənistanda fövqəladə və səlahiyyətli səfiri kimi mən ölkəmizin GUAM çərçivəsində ifadə olunmuş mövqeyi ilə tam razıyam. GUAM Dağlıq Qarabağda “konstitusiya referendumu” barədə lap əvvəldən mənfi mövqe tutduğunu bildirmişdir və “referendum”un yekunlarından asılı olmayaraq, Gürcüstan onun nəticələrini tanımır.
GUAM ölkələri xarici işlər nazirlərinin Brüsseldə keçirilən iclasının yekunlarına əsasən qəbul edilmiş birgə bəyanatda vurğulanmışdır ki, “refefrendum”un keçirilməsi Azərbaycan Respublikasının Konstitusiyasını, habelə beynəlxalq hüququn müvafiq norma və prinsiplərini kobud şəkildə pozur.
Xatırladaq ki, dekabrın 5-də GUAM ölkələrinin Xarici İşlər Nazirləri Şurası qondarma “Dağlıq Qarabağ Respublikası”nda dekabrın 10-da keçiriləcək “konstitusiya referendumu” ilə əlaqədar ciddi narahatlığını bəyan etmişdi.
Bölmənin digər xəbərləri
