Gürcüstanın “interpress.ge” xəbər portalı AZƏRTAC-la birgə layihə həyata keçirir
Tbilisi, 31 may, AZƏRTAC
Gürcüstanın “Təmiz Xəbər” media təşkilatının nəzdində fəaliyyət göstərən “interpress.ge” xəbər portalı AZƏRTAC-la birgə layihəni reallaşdırmağa başlayıb. Layihə çərçivəsində portalın internet televiziyasında yeni veriliş açılıb.
AZƏRTAC-ın Gürcüstan üzrə xüsusi müxbiri Xətayi Əzizovun təqdimatında yayımlanan “Buta” verilişində Azərbaycanın tarixi, xüsusilə qonşu ölkədə yaşayan soydaşlarımızın mədəniyyəti və ədəbiyyatı təbliğ olunacaq. Məqsəd izləyicilərə Azərbaycanın və Borçalının xalq mədəniyyətini və tarixini, eləcə də ədəbiyyatını daha dolğun çatdırmaqdır.
Həftədə bir dəfə yayımlanacaq verilişin ilk buraxılışı tamaşaçılara və izləyicilərə təqdim olunub.
Bölmənin digər xəbərləri
