HAAQA MƏHKƏMƏSİ NİDERLAND İSLAM FEDERASİYASININ İDDİASINI TƏMİN ETMƏMİŞDİR
AZƏRTAC xəbər verir ki, Haaqa dairə məhkəməsi holland siyasətçisi Hiirt Vildersin “Fitnə” filminin nümayişinə qadağa qoymaqdan imtina etmişdir.
Məhkəmə qarşısında iddia qaldıran Niderland İslam Federasiyası filmin müəllifini ekstremistlərin törətdikləri terror aktlarını Qurandakı mətnlərlə əlaqələndirməkdə ittiham edirdi.
Məhkəmənin qərarında deyilir ki, parlamentin deputatı olan H.Vildersin öz fikirlərini sərbəst şəkildə söyləmək, radikal islamı və Quran mətnlərini tənqid etmək üçün söz azadlığından yararlanmaq hüququ vardır.
H.Vilders ifrat sağ yönülmü Azadlıq Partiyasının lideridir. İslam Federasiyası öz iddiasını siyasətçinin Quranı Adolf Hitlerin “Mein Kampf” kitabı ilə müqayisə etməsi ilə əsaslandırmışdır. Məhkəmə H.Vildersin fikirlərinin təxribat xarakterli olduğunu təsdiqləsə də, onu dinlərarası nifrəti qızışdırmaqda təqsirli bilməmişdir.
Bölmənin digər xəbərləri
