Hacıqabul rayonunda aktiv koronavirus xəstəsi ictimai yerlərdə aşkarlanaraq saxlanılıb
Bakı, 9 oktyabr, AZƏRTAC
Oktyabrın 8-də Hacıqabul Rayon Polis Şöbəsinin əməkdaşları COVID-19 virusuna yoluxaraq ev şəraitində müalicədə olan şəhər sakini Q.Bayramovun yaşadığı evi tərk etməsini müəyyənləşdiriblər.
Daxili İşlər Nazirliyinin mətbuat xidmətindən AZƏRTAC-a bildirilib ki, polis əməkdaşları onunla izahedici söhbətlər aparıb, tibbi prosedurları gözləməklə həmin şəxsi yaşadığı evə qaytarıblar. Bu barədə müvafiq səhiyyə qurumları məlumatlandırılıb.
Q.Bayramov barəsində Cinayət Məcəlləsinin 139-1.1-ci (epidemiya əleyhinə və karantin rejimlərinin pozulması) maddəsi ilə cinayət işi başlanılıb.
Bölmənin digər xəbərləri
