Hacıqabulda koronavirus pandemiyasına qarşı mübarizə tədbirləri davam etdirilir
Bakı, 10 may, AZƏRTAC
Hacıqabul Rayon Polis Şöbəsinin əməkdaşları koronavirus pandemiyasının əhatə dairəsinin genişlənməsinin qarşısını alınması istiqamətində tədbirləri davam etdirirlər.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a verilən məlumata görə, polis əməkdaşları yerli idarələrin və bankların önündə yarana biləcək sıxlığı nəzərə alaraq bu ərazilərə xüsusi nəzarət edir. Həmçinin dayanacaqlarda, marşrut avtobuslarında maska taxmadan əyləşən sərnişinlərə, eləcə də piyada hərəkət edən sakinlərə tibbi maska təqdim olunub, sosial məsafənin qorunması tövsiyə edilib.
Bölmənin digər xəbərləri
