Hazırda aparılan testlər arasında müsbət nəticələrin payı 2,1 faizə qədər artıb
Bakı, 9 may, AZƏRTAC
Əgər apreldəki pik dövrdə aparılan testlər arasında 3-4,5 faiz müsbət nəticə aşkarlayırdıqsa aprelin 27-dək, yəni, sərt karantin rejimindən çıxmazdan öncə bu rəqəm 0,3 faizə kimi geriləmişdi. Ötən həftə ərzində isə 0,5-1 faiz arasında dəyişirdi.
AZƏRTAC xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın mətbuat konfransında deyib.
“Hazırda testlər arasında müsbət nəticələrin payı 2,1 faizə qədər artıb. İcra etdiyimiz testlərin sayı da yüksəkdir. Bəzi günlərdə 7 mini keçir. Diaqnostik laboratoriya imkanlarımız getdikcə genişləndirilməkdədir”,- deyə R.Bayramlı qeyd edib.
Bölmənin digər xəbərləri
