Hemilton Ferstappenin “Mercedes”ə keçməsinin nəyə görə onun üçün əlverişli olacağını izah edib
Bakı, 3 avqust, AZƏRTAC
“Mercedes”in pilotu Lyuis Hemilton bildirib ki, əgər Maks Ferstappen “Red Bull”dan Almaniya komandasına keçərsə, onunla rəqabət aparmağa şad olardı. AZƏRTAC xəbər verir ki, daha əvvəl yayılmış məlumata görə, bu mövsüm başa çatandan sonra Hemilton və Ferstappen komandalarını dəyişə bilərlər.
Hemilton deyib: “Ferstappenin dinamikasının komanda üçün nə dərəcədə münasib olduğunu bilmirəm, amma mən onun münasib olub-olmadığını deməyəcəyəm. Mən bunun müsbət tərəflərini də, potensial mənfi tərəflərini də görürəm. Əlbəttə, işlədiyin istənilən insanlar haqqında söhbət gedirsə, üstünlüklər və mənfi cəhətlər həmişə mövcuddur.
Onun “Mercedes”ə keçməsi mənim üçün müəyyən dərəcədə sərfəlidir. Eşitdiyimə görə, çoxları deyir ki, mən ona yalnız bolidin hesabına qalib gəlirəm. Nə deyim, əgər o “Mercedes”ə keçərsə, sübut edə bilərəm ki, bu, belə deyil”.
Bölmənin digər xəbərləri
