Həmyerlimiz Camal Əliyev Ankarada iki gün konsert verib
Ankara, 9 fevral, AZƏRTAC
Tanınmış violonçel ifaçısı Camal Əliyev Ankarada Türkiyə Prezidenti Administrasiyasının Simfonik Orkestrinin salonunda geniş konsert proqramı ilə çıxış edib.
AZƏRTAC xəbər verir ki, həmyerlimizin konsertində bu ölkənin bir sıra rəsmi şəxsləri, ölkədə fəaliyyət göstərən diplomatik korpusun nümayəndələri, habelə tanınmış şəxslər iştirak ediblər.
Konserti Tomas Karrolun dirijorluğu ilə Prezident Administrasiyasının Simfonik Orkestri müşayiət edib.
C.Əliyevin peşəkar ifaçılığı iki gün təqdim edilən konserti maraqlı edib, musiqili gecə coşqu ilə qarşılanıb.
Qeyd edək ki, Camal Əliyev indiyədək Türkiyə, Böyük Britaniya, Fransa, İsveçrə, Çin və başqa ölkələrdə festivallarda iştirak edib, solo konsertlərlə çıxış edib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
