Hesablama Palatasının kollegiya iclası keçirilib
Bakı, 30 dekabr, AZƏRTAC
Hesablama Palatasının sədri Vüqar Gülməmmədovun sədrliyi ilə kollegiya iclası keçirilib.
Palatadan AZƏRTAC-a bildirilib ki, iclasda Milli Məclisin deputatı, Mədəniyyət komitəsinin sədr müavini, fəlsəfə üzrə fəlsəfə doktoru Fazil Mustafa iştirak edib.
İclasda 2021-ci ilin İş Planında nəzərdə tutulmuş “Daşınmaz tarix və mədəniyyət abidələrinin bərpası, qorunması, tarix və mədəniyyət qoruqlarının fəaliyyətinin təkmilləşdirilməsi və inkişafına dair 2014-2020-ci illər üzrə Dövlət Proqramı"nın icrası üzrə Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin fəaliyyəti üzrə” nəzarət tədbirinin nəticələrinə dair auditor hesabatı müzakirə olunaraq müvafiq qərar qəbul edilib, eləcə də Hesablama Palatasının funksional fəaliyyəti ilə bağlı cari məsələlərə baxılıb.
Bölmənin digər xəbərləri
