HESABLAMA PALATASININ NÜMAYƏNDƏ HEYƏTİ EUROSAL-IN V KONQRESİNDƏ İŞTİRAK ETMİŞDİR
Respublika Hesablama Palatasının sədri N.Nəsrullayevin başçılıq etdiyi nümayəndə heyəti Avropa Ali Maliyyə Nəzarəti Orqanları Təşkilatının - EUROSAL-ın Moskvada keçirilən V konqresində iştirak etmişdir.
Rusiya Federasiyasının Prezidenti Vladimir Putin tədbirin iştirakçılarını Kremldə qəbul etmiş, konqresin işinə uğurlar arzulamışdır.
Konqresdə EUROSAL-ın baş katibi Ubaldo Nieto de Albanın (İspaniya) təşkilatın fəaliyyəti barədə hesabatı, habelə 1999-2001-ci illərə dair maliyyə hesabatı dinlənilmiş, 2003-2005-ci illər üçün EUROSAL-ın büdrəsi və üzvlük haqqının həcmi təsdiq olunmuşdur.
Azərbaycan nümayəndə heyətinin başçısı N.Nəsrullayev konqresdə “Azərbaycan Respublikası büdcəsinin tərkibi və büdcə prosesi” mövzusunda məruzə etmişdir.
Rusiya Federasiyası Hesablama Palatasının sədri S.Stepaşin EUROSAL-ın yeni prezidenti seçilmiş, növbəti - VI konqresin 2005-ci ildə Almaniyanın Bonn şəhərində keçirilməsi qərara alınmışdır.
Konqres zamanı Azərbaycan Hesablama Palatasının nümayəndə heyəti bir çox ölkələrin ali maliyyə nəzarəti qurumlarının rəhbərləri və təmsilçiləri ilə işgüzar görüşlər keçirmiş və fikir mübadiləsi aparmışdır.
Bölmənin digər xəbərləri
