Heydər Əliyev adına Bakı neft emalı zavodunda mövsümi tədbirlər həyata keçirilmişdir
Bakı, 23 noyabr (AZƏRTAC). Heydər Əliyev adına Bakı neft emalı zavodunun istehsalat sahələrində 2013-2014-cü illərdə payız-qış mövsümünə hazırlıq işlərinə cari ilin mayından başlanılmışdır.
Zavoddan AZƏRTAC-a bildirmişlər ki, payız-qış mövsümünə hazırlıqla bağlı əsas işlər başa çatdırılmışdır. Zavodun istehsalat, sex və sahələrində siyirtmə və dayaqlar, boru xətləri və digər avadanlıqlar qoruyucu örtüklə sarınmış, yanğından mühafizə vasitələri istilik izolyasiya təbəqə ilə örtülmüş, pəncərə və qapı çərçivələri təmir olunmuş, sıradan çıxmış istilik və su boruları dəyişdirilmiş, xidməti otaqlar istiliklə təmin edilmişdir. Mövsümi işlərin icrası zamanı müvafiq cihaz və avadanlıqlar donmayan məhlulla təmin olunmuş, istilik kondisionerləri təftiş edilmişdir. Qış aylarında yaranan problemlərin həlli məqsədilə çuqun siyirtmələr polad siyirtmələrlə əvəzlənmiş, avtomobillərin təkərləri zəncirlə təmin olunmuşdur.
Hazırda qışa hazırlıq tədbirləri çərçivəsində son tədbirlərdə başa çatdırılır.
Bölmənin digər xəbərləri
