HEYDƏR ƏLİYEV ADINA SARAY ƏSASLI TƏMİR OLUNUR
Heydər Əliyev adına Sarayda əsaslı təmir və yenidənqurma işləri aparılır.
Sarayın direktoru Fərhad Babayev AZƏRTAC-a bildirmişdir ki, təmir işləri Türkiyənin “Pim-Proje” şirkətinin hazırladığı xüsusi layihə əsasında “Aqrartikinti” Səhmdar Cəmiyyəti tərəfindən aprılır.
Binanın daxilinə mərmər, xarici görünüşü müasirləşdiriləcək, giriş hissənin hündürlüyi 1 metr artırılacaq, xüsusi şüşələr qurşdırılacaq, özü açılıb-bağlanan qapılar qoyulacaq, bilet kassaları təmir ediləcəkdir.
Sarayın foyesində Heydər Əliyevin büstü qoyulacaq, dövlət tədbirlərini sarayın ətrafında quraşdırılmış xüsusi monitorlar vasitəsilə izləmək mümkün olacaqdır. Binanın qarşısından keçən yolda yenidənqurma işləri aparılacaq, nəqliyyat vasitələrini saxlamaq üçün avtomat sədlər quraşdırılacaqdır.
Təmirdə ABŞ, Yaponiya, Almaniya, İtaliya və Avstriyada istehsal olunan tikinti materiallarından istifadə olunur. İşlərin 2008-ci ilin sentyabrında başa çatdırılması nəzərdə tutulmuşdur.
Bölmənin digər xəbərləri
