“HİZB ÜT-TƏHRİR” EKSTREMİST PARTİYASI FƏALLARINDAN DOQQUZU AZADLIQDAN MƏHRUM EDİLDİ
İttihamda deyilir ki, ekstremistlər cinayət məcəlləsinin üç maddəsi - “cinayətkar birlik yaratmaq”, “milli, irqi, dini ədavəti və yerliçilik ədavətini qızışdırmaq” və digər cinayətlər törətmək maddələri üzrə təqsirli bilinmişlər. Tacikistanın hüquq mühafizə orqanları ilin əvvəlindən bəri bu partiyanın 70-dən çox ekstremistini həbsə almışlar.
“Hizb üt-təhrirçilər”in Tacikistanda ilk gizli özəkləri beş il əvvəl yaradılmış və qısa müddətdə, demək olar, bütün ölkədə yayılmışdır. Ekstremistlərin dəqiq sayı müəyyən edilməmişdir, lakin bir sıra müstəqil ekspertlərin məlumatına görə, onlar 1,5-2 min nəfər ola bilər. Partiyanın ərəb ölkələrindən birində olan rəhbərliyi açıqca bəyan edir ki, onların son məqsədi Orta Asiyada orta əsrlər Xilafəti tipli vahid teokratik dövlət qurmaqdır.
Bölmənin digər xəbərləri
