HOLLİVUDUN ALTI ƏN İRİ KİNOSTUDİYASI UŞAQLARIN SİQARET ÇƏKMƏSİ İLƏ MÜBARİZƏYƏ QOŞULMUŞDUR
AZƏRTAC xəbər verir ki, Hollivudun altı ən iri kinostudiyası uşaqların siqaret çəkməsi ilə mübarizəyə qoşulmuşdur. Bundan sonra “Paramaunt”, “Soni pikçerz”, “20-ci əsr-foks”, “Yuniversal pikçerz”, “Uolt Disney” və “Uorner Brazers” studiyalarının siqaret çəkilən səhnələr olan bütün filmlərində yetkinlik yaşına çatmayanlar üçün qabaqcadan xəbərdarlıq ediləcəkdir: “Siqaret çəkməyə başlamayın!”. Kinoteatrlarda bu sətir filmin əvvəlində onun kateqoriyası haqqında informasiya ilə birlikdə, disklərdə isə menyunun əvvəlində görünəcəkdir.
ABŞ-da mövcud reytinqlər sistemi uşaqların psixikasına mənfi təsir göstərə bilən filmlərə baxmasını məhdudlaşdırmağa imkan verir. Sadə kodlar sistemi filmlərə kinoteatrlarda və ya evdə baxmaq üçün uşaqlara icazə verib-verməməyi müəyyən etməkdə valideynlərə kömək göstərir.
Bölmənin digər xəbərləri
