İLİN BİRİNCİ YARISINDA DÖVLƏT BÜDCƏSİNİN GƏLİR ÜZRƏ PROQNOZU 106 FAİZ YERİNƏ YETİRİLMİŞDİR
Azərbaycan Respublikası Maliyyə Nazirliyinin mətbuat xidmətindən AZƏRTAC-a daxil olmuş məlumatda bildirilir ki, 2003-cü ilin birinci yarısında dövlət büdcəsinin gəlir üzrə proqnozu 106 faiz yerinə yetirilmişdir ki, bu da 2002-ci ilin eyni dövrünə nisbətən artım 38,9 faiz və ya 767,3 milyard manat olmuşdur. Proqnoz göstəricilərinə Vergilər Nazirliyi 104,7 faiz, İqtisadi İnkişaf Nazirliyi 118,3 faiz, Dövlət Gömrük Komitəsi 101,1 faiz əməl etmişlər. Büdcədən kənar daxilolmalar üzrə proqnoz 129,4 faiz yerinə yetirilmişdir. 2003-cü ilin birinci yarısında dövlət büdcəsinin xərcləri proqnozu 95,5 faiz icra edilmişdir. Keçən ilin altı ayı ilə müqayisədə 29,6 faiz və ya 589,9 milyard manat çox maliyyələşmə həyata keçirilmişdir.
Bölmənin digər xəbərləri
