İLİN ÖTƏN BEŞ AYINDA ƏHALİNİN GƏLİRLƏRİNİN NOMİNAL HƏCMİ 4,0 MİLYARD MANAT TƏŞKİL ETMİŞDİR

18.06.2006 [06:40]
Çap et
A⁺ A^-

Azərbaycan Respublikası Dövlət Statistika Komitəsindən AZƏRTAC-a bildirmişlər ki, 2006-cı ilin beş ayı ərzində əhalinin gəlirlərinin nominal həcmi 4,0 milyard manat təşkil edərək, ötən ilin eyni dövrü ilə müqayisədə 19,6 faiz və ya 663,7 milyon manat artmışdır. Bu dövrdə adambaşına gəlir 18,3 faiz yüksələrək, 485,1 manat təşkil etmişdir.

Cari ilin may ayında ölkənin hər vətəndaşına, orta hesabla, 95,1 manat gəlir düşmüşdür ki, bu da keçən ilin eyni ayına nisbətən 16,6 manat çoxdur.

Vergilər, digər məcburi ödəmələr və könüllü üzvlük haqqları ödənildikdən sonra əhalinin hesabında 3,6 milyard manat gəlir qalmışdır ki, bu da 2005-ci ilin yanvar-may ayları ilə müqayisədə 19,5 faiz artıqdır.

Əhali gəlirlərin 69,7 faizini istehlak xərclərinə, 11,7 faizini vergilərə, sosial sığorta və könüllü üzvlük haqqlarının ödənilməsinə, 18,6 faizini isə əmanətlərin və kapitalın artırılmasına sərf etmişdir.

İLİN ÖTƏN BEŞ AYINDA ƏHALİNİN GƏLİRLƏRİNİN NOMİNAL HƏCMİ 4,0 MİLYARD MANAT TƏŞKİL ETMİŞDİR

MÜƏLLİFLƏ ƏLAQƏ

Bölmənin digər xəbərləri