İNDİ “GÜNƏŞLİ”NİN ÖZ MƏKTƏBİ VARDIR
Mingəçevirdən 3 kilometr aralıda salınmış “Günəşli” bağ massivində yaşayan ailələrin məktəblə bağlı problemi həll olunmuşdur. Mingəçevir Şəhər Təhsil Şöbəsində AZƏRTAC-ın müxbirinə bildirmişlər ki, 16 nömrəli məktəbin müəllimi Minirə Məmmədova burada təzə tikdirdiyi və təmənnasız olaraq şəhər təhsil şöbəsinin sərəncamına verdiyi bağ evində açılmış ibtidai məktəbdə indi 100-ə yaxın şagird təhsil alır.
Ömrünü gənc nəslin təlim-tərbiyəsinə həsr etmiş M.Məmmədovanın xeyirxahlığı və qayğıkeşliyi “Günəşli”nin balaca sakinlərini soyuq qış günlərində uzaq məsafəyə dərsə gedib-gəlməyin çətinliklərindən qurtarmışdır.
Bölmənin digər xəbərləri
