İndiyədək ölkədə 49,5 min ədəd yeni nəsil nəzarət-kassa aparatları quraşdırılıb
Bakı, 14 noyabr, AZƏRTAC
Dövlət Vergi Xidməti (DVX) tərəfindən ölkədə yeni nəsil nəzarət-kassa aparatlarının (NKA) tətbiqi istiqamətində işlər davam etdirilir. İndiyədək ölkə ərazisində 49 min 548 ədəd yeni nəsil NKA quraşdırılıb.
DVX-dən AZƏRTAC-a verilən məlumata əsasən, NKA-dan istifadə hesablaşmaların daha şəffaf aparılmasına, malların qanunsuz dövriyyəsinin qarşısının alınmasına və dövriyyəyə nəzarətin təmin edilməsinə imkan yaradıb.
2021-ci ilin yanvar-oktyabr aylarında yeni nəsil NKA-lar vasitəsilə qeydə alınan dövriyyə təxminən 12,5 milyard manat təşkil edib ki, bu da ötən ilin eyni dövrü ilə müqayisədə 1,9 dəfə çoxdur.
Bölmənin digər xəbərləri
