İNFORMASİYA-KOMMUNİKASİYA TEXNOLOGİYALARI SAHƏSİNDƏ FRANSA İLƏ ƏMƏKDAŞLIQ GENİŞLƏNİR
Nazirlikdən AZƏRTAC-a bildirmişlər ki, görüşdə nazir Əli Abbasov Azərbaycanda informasiya-kommunikasiya texnologiyalarının inkişafı istiqamətində görülən işlər barədə məlumat vermiş, ölkədə sərbəst iqtisadi zonaların yaradılması məqsədi ilə tədbirlər həyata keçirildiyini diqqətə çatdırmışdır. Nazir Fransanın “Sofia-Antipolis” texnika parkının inkişafından söz açmış və bu sahədə fransızların təcrübəsinin Azərbaycan üçün maraqlı olduğunu söyləmişdir.
Səfir nazirliyin nəzərdə tutduğu islahatlar çərçivəsində Fransa şirkətlərinin Azərbaycanda fəaliyyətlərini daha da genişləndirəcəklərinə ümidvar olduğunu bildirmişdir.
Görüşdə Fransada keçiriləcək seçkilərdə Azərbaycanda yaşayan Fransa vətəndaşlarının elektron səsvermə yolu ilə iştirakı üçün lazımi şəraitin yaradılacağı qeyd edilmişdir.
Bölmənin digər xəbərləri
